Noticies a La Gueta

Miguel Rojo repite con Pintar-Pintar

L'autor asturianu Miguel Rojo ta acabante de presentar un nuevu trabayu cola editorial Pintar-Pintar, trátase del álbum ilustráu "El príncipe, la nena y la so ma", llibru nel que los testos del escritor de Tinéu van acompañaos poles ilustraciones de Carlos Álvarez Cabrero.

Lleer más

Entréguense los premios del concursu "Ruempi la Mollera"

La Oficina Municipal de la Llingua de Xixón da anuncia de la entrega de premios del concursu "Ruempi la mollera", iniciativa na que participen dende fai yá cuatro ediciones los alumnos y alumnes de quintu y sestu d'Educación Primaria de Xixón.

Lleer más

Uviéu acueye la II Sestaferia del profesoráu d'asturianu

El próximu vienres día 4 de xunu va tener llugar, nes instalaciones del Centru de Profesores y Recursos d'Uviéu, la II Sestaferia del profesoráu d'asturianu. Una actividá abierta a los docentes de Llingua Asturiana de toles estayes educatives que quier valir de puntu d'alcuentru d'esperiencies y conocimientos al rodiu de l'asignatura.

Lleer más

"Grupu Epona" tien llibru nuevu

L'Asociación "Grupu Epona" acaba dar anuncia de la edición del llibru "Cuentos prestosos escritos por escolinos y escolines", resultáu del trabayu desarrolláu pola asociación en diferentes escueles asturianes pente medies de talleres lliterarios y cuentacuentos.

Lleer más

Selmana de presentaciones de lliteratura infantil

A piques d'entamar la selmana más importante pa les Lletres Asturianes, la Lliteratura Infantil y Xuvenil n'asturianu calienta motores cola presentación de dos de les novedaes editoriales más esperaes: "L'Horru", espublizáu pola editorial Trabe, y "Deva y el pitín", de Pintar-Pintar Comunicación.

Lleer más

Les VII Xuntes d'Escolinos homenaxarán a Xosé A. García

El conceyal de Cultura del Ayuntamientu d'Avilés, Román Álvarez, presentó esti martes 27 d'abril el cartel de les VII Xuntes d'Escolinos d'Avilés y Comarca, qu'homenaxarán al escritor mierense Xosé Antonio García.
Nel actu de presentación del cartel, obra del escritor ya ilustrador avilesín, Miguel Solís Santos, asistieron el conceyal, el propiu autor del cartel y la responsable de la Estaya de la Llingua d'Avilés, Montse Machicado.
 

Lleer más