Esti vienres 1 d'abril abrirá les sos puertes la llibrería especializada en Lliteratura Infantil y Xuvenil que la editorial Pintar-Pintar cuenta tener n'Uviéu. Na inaguración, qu'en palabres de la responsable editorial Ángela Sánchez "quier poner el focu sobre la LLIX pa vindicar el so pesu específicu", van tar presentes un bon garrapiellu d'escritores ya ilustradores.
La escritora asturiana MªLuz Pontón vuelve a confiar en Pintar-Pintar pa editar la so última historia "Un monstruu ensin corazón", historia que ta acabante de llegar a les llibreríes nesti mes de marzu.
La collaboradora de ‘A la Gueta los Sueños’, María Luz Pontón, tresllada a la lliteratura la historia de la elefante Petita. Esti animal foi refugáu polos sos compañeros de manada por nun cumplir los cánones de belleza establecíos.
La editorial Trabe acaba asoleyar el llibru "Cómo soi", del que ye autora Esther Prieto ya ilustrador Nanu González. L'álbum inagura la Colección "Reciella" empobinada a los primeros llectores.
Pintar-Pintar inagura col testu d'Aurelio González Ovies ya ilustraciones d'Ester Sánchez "El poema que va caure a la mar" la colección de títulos en llingua catalana de la editorial asturiana.
L'autor Xavier Frías Conde (Béjar, 1965) espubliza cola editorial Asturtoons y dibuxos d'Enrique Carballeira'l llibru "Y foron felices, pero..", historia que revisa'l cuentu clásicu de príncipes y princeses dende una perspectiva crítica.
