Aleru, tiru llibre o bloquéu son dalgunos de los términos qu’inclúi ‘El pallabreru del baloncestu’, espublización editada pola Oficina de Normalización Llingüística de Xixón. Ed Johnson ye’l prologuista d’esti llibrín destináu a neños y neñes.
La editorial AsturtOOns ta acabante d’espublizar trés llibros nuevos, toos ellos ilustraos por Enrique Carballeira. Éstos son ‘Flores nel Cantil’ y ‘Avelín, el pingüín’, del propiu Carballeira, y ‘La bañera’, de Cristina Muñiz Martín.
L'Academia de la Llingua Asturiana ta acabante abrir el plazu de matrícula pa los cursos de la Universidá Asturiana de Branu, que va tener llugar en Cangas del Narcea del 30 de xunetu al 10 d'agostu.
Por cuartu añu consecutivu la Conseyería d'Educación en collaboración col Centru de Profesoráu y Recursos de Xixón convoquen la Sestaferia del Profesoráu d'asturianu, nesta ocasión centrada nel desarrollu de les competencies básiques.
