‘L’Angulina’, el barcu de L’Anguleru’, yá ta nel mar Cantábricu procedente de los Sargazos de camín p’Asturies pa repartir en Nuechebona los regalos de les neñes y neños asturianos. L’Arena espera la llegada d’esti personaxe pa les 18 hores.
Como ye vezu por estes feches, el Conceyu de Corvera convoca’l Concursu ‘Carta los Reis Magos n’Asturianu’, destináu a los escolinos y escolines de Primaria. El plazu pa la entrega de trabayos va terminar el vienres día 28.
L’Anguleru, responsable de llevar los regalos a los neños y neñes asturianos en Nuechebona, va protagonizar el Festival de Navidá del xueves nel colexu de Panes. Profesores y pas van representar una obra de títeres sobre esti personaxe.
‘La mio hermana ye una mofeta’, de Berta Piñán, llevóse’l Premiu Críticu de les Lletres Asturianes na categoría de lliteratura infantil y xuvenil. Esti gallardón creólu la XDLA pa cubrir l’ausencia del asturianu nos XIII Premios de la Crítica de l’AEA.
‘Carne de melandru’, de Milio Rodríguez Cueto, llevóse’l Premiu María Xosefa Canellada de Lliteratura Infantil y Xuvenil d’esti añu. El xuráu decididióse, por unanimidá, por esta obra del xixonés ente les seis candidates.
Los neños y neñes de les families integrantes de Reciella prepararon la Nueche d’Ánimes afuracando calabaces. Ésta foi la primer actividá del coleutivu, que pa esti sábadu tien programada otra en Xixón, tres la so constitución oficial.
