Noticies a La Gueta

Pintar-Pintar presenta 'Versonaxes', poesía ilustrada pa grandes y pa neños

El próximu xueves 7 de payares, a les 19:30 hores na Casa del Libro de Uviéu, va tener llugar la presentación del álbum de poesía ilustrada “Versonaxes”, un llibru de poemes escritos por Aurelio González Ovies acompañaos por ilustraciones de Ester Sánchez, publicáu por la editorial Pintar-Pintar.
 

Lleer más

María Xosé Rodríguez: “N’Asturies hai munchu ‘invasor romanu’ escontra’l que lluchar”

Astérix y Obélix falen n’asturianu na so aventura última, na que viaxen al norte pa visitar la ‘tierra los pictos’. La persona encargada de tornar del francés el númberu 35 de la coleición de los galos foi María Xosé Rodríguez López (Xixón, 1965).

‘Astérix na tierra los pictos’ ta teniendo una repercusión pergrande. ¿Esperaba esti revuelu?

Lleer más

Samhain, l’añu nuevu celta, celébrase na nueche d'esti xueves

Asturies nun ye ayena a la celebración de Samhain, l’añu nuevu celta. Esta tradición caltiénse nel país, anque anguaño tea mui influenciada pola versión estauxunidense de la mesma, Halloween. Equí esplicámoste bien qué significáu tien.

¿Qué ye Samhain?

Trátase d’una celebración de raigaños celtes, la más importante de les qu’estos pueblos celebraben a lo llargo del añu. Etimolóxicamente, Samhain, en gaélicu, significa ‘final del branu’.

¿Qué se celebra?

Lleer más

L’entamu de talleres de llectura, novedá nes Xornaes de Lliteratura Infantil y Xuvenil de Samartín

El llunes van principiar les XII Xornaes de Lliteratura Infantil y Xuvenil de Samartín, que dende’l 2011 son n’asturianu dafechu. La novedá d’esti añu ye la incorporación de dos talleres de llectura impartíos por Pablo Rodríguez Medina y Chechu García.

Lleer más

Los escolinos de colexos de tol país yá pueden participar nos Sidrocoles

Per sestu añu, La Sidra pon en marcha los Sidrocoles, actividá enfocada a neños y neñes de Primaria col oxetivu de que conozan la cultura de la sidra y el so procesu d’ellaboración. Colexos de tol país pueden participar nesta prestosa iniciativa.

Lleer más

Bruño nun descarta qu’Astérix fale asturianu n’otres histories previes tres visitar la ‘tierra los pictos’

Según la demanda que tenga ‘Astérix na tierra los pictos’, Bruño podría decidir afrontar la torna al asturianu de les 34 histories previes del personaxe galu. Responsables de la editorial tuvieron en Xixón pa presentar la obra.

Lleer más