Con motivu del Día Internacional de la Llingua Materna, dellos servicios de normalización llingüística d’Asturies presentaron güei vienres el blog de la campaña “¿Ayúdote yo?”. Involucrar a distintos grupos d’edaes na conservación y usu del asturianu ye l’oxetivu plantegáu por esta campaña que desendolcaron nel cursu escolar 2014-2015 los conceyos de la Mancomunidá d’El Cabu Peñes, Siero, Castrillón, Samartín del Rei Aurelio y Avilés.
