Fiches didáutiques

La fauna ye’l conxuntu de los animales propios d’un país o d’una zona. N’Asturies habiten especies que tamién viven en territorios cercanos, pero cuenta con delles races autóctones que son típiques d’equí y que nun hai n’otros llugares.

Un ríu ye una corriente grande d’agua dulce que va per un calce y normalmente va a dar n’otru riu o na mar. Si da n’otru ríu llámase afluentes. Los ríos ñacen nos montes, onde l’agua de la lluvia y la ñeve va cayendo pela pendiente hasta zones más llanes.

Mentes, un llagu ye una cantidá grande d’agua, con una estensión considerable, estancada por depresiones del terrén. Munches vegaes, por ser tan grandes, pueden confundise con un mar, pero nun se consideren como tal al nun tener salida. La gran mayor parte d’ellos son d’agua dulce.

Un riu ye una corriente grande d’agua dulce que va per un calce y normalmente va a dar n’otru riu o na mar. Si da n’otru riu llámase afluente.

Los ríos ñacen nos montes, onde l’agua de la lluvia y la ñeve va cayendo pela pendiente hasta zones más llanes. Asturies ye un país onde llueve muncho y hai grandes montes, polo qu’hai munchos ríos, y anque dalgunos lleven bien d’agua, nun son mui llargos porque la distancia ente los montes y la mar nun ye grande, polo qu’acaben morriendo bastante cerca d’onde ñacen.

La llingua asturiana ye l’idioma d’Asturies. L’asturianu surdió na Edá Media, demientres la existencia del Reinu d’Asturies, y foi’l resultáu de la evolución del llatín nes tierres de los nuesos antepasaos. De fechu, al tener el so orixe nel llatín, que yera l’idioma de los antiguos romanos, ye una llingua hermana d’otres col mesmo orixen como l’italianu, el francés, el catalán, el gallegu, el castellán, el corsu, l’occitanu o’l portugués, ente otres.