‘Nora na viesca los milenta güeyos’

Nome: ‘Nora na viesca los milenta güeyos’

Autora: Helena Trexu

Ilustraciones: Violeta Mateu

Editorial: Ediciones Trabe, 2015

Nora recibe’l día del so cumpleaños, que coincide col martes d’Antroxu, una visita bien rara y sorprendente. Trátase d’un pládanu que tien voz y güeyos que recibiera’l mandáu de llevala a conocer la viesca los milenta güeyos, onde va vivir bien d’aventures. Trátase d’un cuentu qu'invita a la imaxinación, al empar que conciencia na igualdá de xéneru al facer protagonista a una neña como respuesta a toles histories onde la mayoría son neños los protagonistes. Na historia tamién ta presente el valor de la familia como referente seguru na neñez, asina como’l valor de la naturaleza y la ecoloxía dando voz a la viesca.

Llibru d’Helena Trexu dirixíu a neños y neñes mayores de 8 años que se suma súmase a otres anteriores enfocaes al públicu infantil como ‘Llara quier ser astrónoma’, ‘Olaya n’África’ o ‘Mitoloxía asturiana pa rapacinos y rapacines’, ente otros munchos. Cuenta con 24 páxines y el so preciu ye de 8 euros.