Skip to content
Entamu » Sección

Mundu

14-05-2009

El Papa Benedicto XVI defendió en Belén, demientres la so visita oficial al territoriu ocupáu de Cixordania, el "derechu del pueblu palestín" a una "patria soberana" na tierra de los sos "atentapasaos".
 
25-03-2009

El Parlamentu Européu aprobó una resolución ellaborada por eurodiputaos del PSC, CiU, ICV, PNV y EA na que se diz que ye "vital salvaguardar el multillingüismu en países o rexones donde coexisten dos o más llingües oficiales”. Esti testu elimina una enmienda a un informe sobre multillingüismu presentada pol PP na que defendía “que los pas escueyan la llingua d’escolarización de los sos fíos”.
18-03-2009

La llingua bretona puede tar viviendo les sos últimes décades como llingua viva según los datos qu’ufre l’últimu estudiu sobre esti idioma asoleyáu pol sociollingüísta Fañch Broudic y tituláu “On parle encore breton au XXIe siècle” (“Falamos bretón entá nel sieglu XXI”). La encuesta d’usu y conocimientu de bretón recoyida nel llibru afita que nel 2007 quedaben 172.000 falantes, mientres qu’hai diez años yeren 246.000.
10-03-2009

L’Ulster ta reviviendo nes últimes hores episodios que yá paecíen escaecíos y que recuerden a los sos peores momentos de violencia política. Si’l sábadu una escisión del Exércitu Republicanu Irlandés asesinaba a dos soldaos británicos nuna base militar d’Antrim, ayer pela nueche un policía norirlandés resultaba muertu d’un disparu en Craigavon. La paz precaria algamada hai una década puede peligrar n’Irlanda.
26-02-2009

Polonia acaba de convertise nel venticuatru estáu européu que ratifica la Carta Europea de Llingües Minoritaries o Rexonales, una Carta qu’en teoría obliga a los Estaos a protexer les sos llingües minoritaries. Nesta ratificación Polonia reconoz un total de 15 idiomes y asume la obligación de protexelos.
18-02-2009

El pasáu 11 de febreru’l gobiernu francés dio’l preste pa los nuevos diseños de les matrícules d’automóviles. La novedá ye que los modelos aprobaos son d’ámbitu “rexonal”, y van incluir l’escudu o’l símbolu de les rexones correspondientes. Amás nel casu corsu inclúi la bandera de la islla y nel bretón la bandera del país y la denominación billingüe francés-bretón (Bretagne/Breizh).
17-02-2009

El 17 de febreru de 2008 Kosovo, el territoriu balcánicu qu’hasta esa fecha taba baxo la soberanía formal anque non de facto de Serbia, declaraba unilateralmente la so independencia. Un añu depúes el país sigue baxo tutela internacional y reconocíu por 54 estaos en tol mundu como EE.UU, Francia o Alemaña, mientres  qu’España o Rusia niéguense a reconocer el nuevu status. Los kosovares viven anguaño una "independencia a medies".
17-02-2009

Los gobiernos de Reinu Uníu y de Francia investiguen nesti momentu'l choque ente dos submarinos nucleares que se produxo a primeros d'esti mes en mediu del océanu Atlánticu, si bien el Ministeriu de Defensa británicu yá sorrayó que nun hai peligru pa la seguridá.
 
16-02-2009

El director de l'Axencia Asturiana de Cooperación al Desarrollu, Rafael Palacios, fizo güei públicos diez nuevos nomes qu'añadir a la llista d'asturianos o descendientes d'asturianos desapaecíos por mor de la política de represión de la dictadura arxentina (1976-1983). En total, yá son 26 les persones identificaes, si bien considera que la llista va dir aumentando.
 
11-02-2009

El pasáu 25 de xineru los bolivianos aprobaron en referéndum una nueva constitución, qu'ente otres coses, permite a los sos grupos étnicos y rexones algamar una autonomía terroritorial y administrativa si asina lo demanden.
04-02-2009

El complexu movimientu nacionalista corsu, tradicionalmente dividíu, dio esta selmana un pasu pa presentase con una sola voz énte la socieda isleña. Baxo’l nome de Corsica Libera (Córcega llibre, en corsu), les cuatro formaciones principales del independentismu corsu, Corsica Nazione, Rinnovu, l'Accolta Naziunale Corsa y Strada Dritta, aconceyen col oxetivu final de crear un estáu corsu.
24-01-2009

El presidente de la Eurocámara en Bruseles, Hans-Gert Pöttering, refugó ayeri l'usu de les llingües rexonales nel Parlamentu de Bruseles, motivu pol que lu criticó güei l'eurodiputáu d'ICV, Raül Romeva, que consideró les sos afirmaciones "llamentables".
 
23-01-2009

El recién proclamáu presidente de los EE.UU., Barack Obama, ta acabante de firmar una ordén pa piesllar la prisión de la base militar de Guantánamo nel plazu máximu d’un añu. Tamién va firmar otra orden contra l’usu de métodos coercitivos y violentos nos interrogatorios a sospechosos de terrorismu.
21-01-2009

El candidatu electu pol Partiu Demócrata nes pasaes elecciones de payares tomó ayer en Washington posesión del so cargu como’l 44 presidente de los EE.UU y el primer d’ellos de raza negra. Nel so primer discursu dixo que “la voluntá común impondráse al conflictu y al desacuerdu”.
19-01-2009

Los aldeanos congoleños tán creando grupos pa protexer les sos cases y les sos families del grupu rebelde ugandés LRA (Exércitu de Lliberación del Señor).
13-01-2009

El presidente de l'Asociación Mensaxeros de La Paz, el cura asturianu Ángel García, conocíu como Padre Ángel, tuvo güei en Gaza, a onde se treslladó per carretera dende Xordania pa repartir tonelaes de material sanitariu, melicamentos y alimentos. Dende ellí, reclamó que se detenga l'aición militar na franxa de Gaza.
05-01-2009

La campaña de bombardeos d'Israel escontra la Franxa de Gaza llegó güei al so séptimu día siguíu con un balance provisional de polo menos 420 muertos y 2.100 firíos, según informó l'axencia palestina de noticies Maan.
26-12-2008

La Unidá Territorial d'Amnistía Internacional (AI) fizo güei un llamáu a unviar postales d'apoyu a tres presos de conciencia en cárceles d'Eritrea, Gambia y Ruanda. Trátase de la campaña 'Regala les tos pallabres', que como tolos años entama esta organización p'apoyar a persona que considera inxustamente encarcelaes.
18-12-2008

El Parlamentu Européu bloquió güei la norma que permite ampliar la xornada llaboral máxima de 65 hores selmanes que foi aprobada polos ministros de Trabayu de los 27 el pasáu mes de xunu col votu a la escontra d'España.
23-11-2008

EE.UU y Rusia acabaron güei les conversaciones sobre un nuevu acuerdu sobre armes nucleares que sustituya al actual Tratáu de Reducción d'Armes Estratéxiques (Start, nes sos sigles n'inglés) de 1991, ensin tomar una decisión sobre la estensión del acuerdu, qu'acaba a últimos del 2009, según una declaración estaounidense.