El comunicáu de protesta ta acompañáu por una serie de vídeos que critiquen l'estáu de los Derechos Humanos n'España y la UE MADRID, 19 de Marzu (EUROPA PRESS) Más de 20 asociaciones españoles presentaron esti vienres un manifiestu n'apoyu al Gobiernu cubanu nel que se denuncia la "campaña mediática orquestada fríamente por Estaos Uníos" pa socavar "los llogros de la Revolución Cubana", al traviés de la esplotación de la "llamentable" muerte del "recluyíu común" Orlando Zapata Tamayo.
Noticies Europa Press
Más de 20 asociaciones españoles, ente elles IU y PCE, denuncien una campaña mediática contra'l Gobiernu cubanu
El Gobiernu de L.lena nun descarta llegar a la movilización pa esixir una parada del AVE nel conceyu
UVIÉU, 19 de Marzu (EUROPA PRESS) El Gobiernu de L.lena nun refuga encabezar una movilización social si nun se tien en cuenta'l so pidimientu de contar con una parada d'AVE nel conceyu. Asina de claro mostróse l'equipu llocal d'IU-BA, qu'al traviés d'un comunicáu anunció que volverá reclamar que l'alta velocidá tenga parada en L.lena.
Uviéu ye la ciudá más cara del Principáu p'alquilar una vivienda, según Fotocasa
UVIÉU, 19 de Marzu (EUROPA PRESS) Uviéu ye la ciudá asturiana col preciu de la vivienda n'alquiler más cara, con 7,82 euros al mes por metru cuadráu nel mes de febreru, lo que supón un aumentu del 1,2% sobre'l preciu de los alquileres del mes anterior, según s'entiende de los datos del Informe de la Vivienda n'Alquiler n'España ellaboráu por fotocasa.es.
El primer ministru etíope anuncia que va bloquiar una radio en llingua amárica porque desestabiliza'l país
ADDÍS ABEBA, 19 de Marzu (Reuters/EP) El serviciu d'información etíope en llingua amárica qu'ufierta la corporación estadounidense Voice of America (VOA) va sufrir un bloquéu porque desestabiliza al país, según anunció'l primer ministru etíope, Meles Zenawi. Esti país del Cuernu d'África va celebrar comicios nacionales el próximu mes de mayu, y los distintos grupos defensores de les llibertaes de los medios de comunicación afirmen que'l Gobiernu ta tomando "dures midíes" contra los medios de cara a les eleiciones, una acusación que les autoridaes gubernamentales nieguen.
El PSOE d'Uviéu súmase "a ciegues" a la "ocurrencia sobrevenida" de la Capitalidá Europea de la Cultura
UVIÉU, 19 de Marzu (EUROPA PRESS) El Grupu Municipal Socialista decidió güei sumase a la propuesta de presentar la candidatura d'Uviéu a Ciudá Cultural Europea nel 2016, pese a considerar que se trata d'una ocurrencia sobrevenida" que va dexar a la ciudá "pelos suelos". La propuesta de l'Alcaldía salió alantre col apoyu de los conceyales populares y socialistes y l'astención d'Asciz.
El Conseyu del Poder Xudicial alerta de que'l procesu xudicial contra Garzón pue tornar nun procesu políticu
MADRID, 19 de Marzu (EUROPA PRESS) El vicepresidente del Conseyu Xeneral del Poder Xudicial (CXPX), Fernando de Rosa, alvirtió esti vienres de que'l procesu nel senu d'esti órganu pa decidir si se separa o non al el xuez de l'Audiencia Nacional Baltasar Garzón poles trés querelles almitíes a trámite nel Tribunal Supremu (TS), puea tornar nun tema políticu y non xudicial.
La Policia evacúa l'Edificiu Alministrativu de Servicios Múltiples d'Uviéu ante un avisu de bomba
UVIÉU, 19 de Marzu (EUROPA PRESS) La Policía Nacional desagospió l'Edificiu Alministrativu de Servicios Múltiples, nel que s'alcuentren delles conseyeríes y departamentos del Gobiernu del Principáu, ante la llamada d'un anónimu alertando de la colocación d'una bomba nel inmueble.
El Gobiernu regularizó a más de 100.000 inmigrantes nel 2009
MADRID, 19 de Marzu (EUROPA PRESS) Más de 100.000 inmigrantes, la mayoría menores d'edá y persones arraigonaes, accedieron l'añu pasáu a un permisu de residencia por "motivos escepcionales", lo que supón una subida cercana al 20 por cientu sobre l'añu anterior. En paralelo, cayó la cifra d'autorizaciones iniciales de residencia, con baxaes que llegaron en dellos casos al 90 por cientu, principalmente ente los que solicitaron treslladase legalmente a trabayar a España.
Francia propón a Reinu Uníu una fuerza conxunta de disuasión nuclear
MADRID, 19 de Marzu (EUROPA PRESS) Francia propunxo a Reinu Uníu la creación d'una fuerza conxunto de disuasión nuclear pente medies de la unión de les sos flotes de submarinos, pero Londres refugó la idea porque, al so xuiciu, nun ye aceptable compartir d'esa manera la so soberanía, afirmó esti vienres el diariu británicu 'The Guardian'.
El Parlamentu asturianu condena, cola astención d'IU, les llendes de llibertaes polítiques en Cuba
UVIÉU, 19 de Marzu (EUROPA PRESS) La Xunta Xeneral del Principáu d'Asturies (JGPA) aprobó güei colos votos de PP y PSOE una proposición non de llei que condena la llende de llibertaes polítiques en Cuba y que muestra la condolencia a la familia y amigos d'Orlando Zapata, el presu muertu tres una güelga de fame. IU-BA-Verdes decidió astenese, dempués de que'l PP nun aceptara les seis enmiendes que presentó.
Conceyu Abiertu
