Zapico va llevar Educación, Participación y Política Llingüística

El conceyal en Mieres, miembru d'IAS, va coordinar l'área de Servicios a la Ciudadanía.

Les responsabilidaes de Faustino Zapico van centrase nes estayes d'Educación, Participación Ciudadana y Política Llingüística, amás de la coordinación del área de Servicios a la Ciudadanía, na que tamién tán inxertes les conceyalíes d'Infancia y Mocedá, a cargu d'Itziar Llaneza, y la de Cultura, Deportes y Memoria Democrática, con José Luis Soto como edil. L'historiador y maestru ocupó'l númberu 8 de la llista d'Izquierda Xunida tres un pautu eleutoral ente la coalición y Izquierda Asturiana (IAS).

Otra manera, el Serviciu de Normalización Llingüística de Mieres tornó a l'actividá tres tar paráu los primeros meses del añu.