Xurde Álvarez presenta una novela sobre la fuelgona de 1932

No fondero de l'alcordanza de Dios ye'l títulu acabante d'asoleyar por Trabe y que se presenta esta tarde en Llangréu


L'hispanista británicu Gerald Brenan calificó la fuelga de la metalurxa asturiana, qu'entamó en payares de 1932 y duró hasta agostu del 1933) como la más heroica de la clase trabayadora española. Foi, de cualquier manera, una de les fuelgues más llargues de tolos tiempos y llevó la miseria y la ruina a munches families.

Una d'elles ye la protagonista d'esta historia na Xurde Álvarez pon na voz d'un neñu la llucha pola supervivencia, el dolor y la fame. Con too y con ello, el neñu protagonista tien un encontu espiritual na novela Moby Dick. El rellatu del capitán que prsigue a la ballena cande ye la guía del rapaz y lo que lu ayuda a pasar los díes escuros y terribles, sirviendo tamién la novela de Melville como un correlatu y metáfora de la llucha obrera n'Asturies de los años trenta, ello ensin quitá-y un rispiu a No fondero de l'alcordanza de Dios como novela d'aventures al usu.


Xurde Álvarez (Sama de Llangréu 1973) Pertenez por a una nueva xeneración d'escritores emerxentes que ta abriéndose pasu con fuerza na lliteratura asturiana. Nel añu 1999 espublizó un llibru de poemes, La Sema y l'otru añu ganó'l concurso de teatru que convoca l'Academia de la Llingua Asturiana cola obra Les llames de to llar antiguu

No fondero de l'alcordanza de Dios preséntase esta tarde a les ocho nel Salón d'Actos de la Sociedá "La montera" de Llangréu, onde l'autor va tar acompañáu por otros dos escritores mozos de la cuenca, Vanessa Gutiérrez y Henrique Facuriella.