Xunta Moza entama un campamentu de branu col asturianu de protagonista

La Xunta Moza, estaya de mocedá de la Xunta Pola Defensa de la Llingua Asturiana presentó ayeri “Acampallingua” un campamentu de branucon actividaes alredor del asturianu que la organización propón como una ufierta pa “llenar el vaciu qu’hai na ufierta d’actividaes d’ociu pa la mocedᔠ. La primer edición de l’Acampallingua va facese ente los díes 7 y 12 d’agostu en Villaverde (Villaviciosa), y ta abierta a la participación de mozos y moces de 14 años en p’alantre, tando la organización del eventu y de toles actividaes conplementaries al cargu de monitores titulaos n’actividaes de tiempu llibre. El coste de l’Acampallingua ye de 120€ por participante con descuentos en casu de dir dos o más hermanos y inclúi tolos gastos del campamentu, dende’l desplazamientu a la comida xunto col agospiu en tienda de campaña y demás actividaes.