Xuan Xosé Sánchez Vicente presenta en Xixón “Ficciones y realidaes”

L'escritor y políticu Xuan Xosé Sánchez Vicente presenta esti martes 30 en Xixón el so llibru "Ficciones y realidaes" y que ye un amiestu d'artículos publicaos en prensa pol autor. La obra estrémase en separtaos dedicaos a cuestiones como "Ensayos de Socioloxía y Política" o "Estudios lliterarios y llingüísticos" centraos nel analís de los años del surdimientu. L'actu va ser nel Antiguu Institutu de Xixón a les 20:00h.

Nacíu en en Xixón en 1949, Sánchez Vicente ye llicenciáu en Filoloxía y caderalgu d'institutu. Fundador en 1975 de Conceyu Bable, ocupó dellos cargos políticos poles sigles del PSP y del PSOE, abandonando esta formación pa fundar nel 1985, el Partíu Asturianista, pol que fue diputáu ente 1991 y 1999. Como escritor, en 1980 asoleyó Camín de señardaes, recopilación de poemes escritos dende 1974 y que constitui xunta los dos primeros llibros de Manuel Asur y Esbilla de Felipe Prieto, ún de los llibros angulares de la primer xeneración del Surdimientu. Cola novela curtia La muerte amiya de nueche (1984) algamó'l Premiu Xosefa Xovellanos de Narrativa, contando la so abondante obra escrito con ensayos como "La cultura asturiana: unidá y pluralidá" o obra teatral que s'axuntó nel volume "Esta danza ye la vuestra, si ye que vos presta".