Xuacu Amieva estrena web

Internet ye una canal perimportante pa la difusión del trabayu
de los músicos, Xuacu Amieva sábelo y por ello ta acabante de colgar la so nueva
páxina web.



Al traviés de la rede d'internet munches vegaes podemos acceder a
información sobre artistes que nun tán nos canales masivos de
promoción. Esti suel ser el casu de la mayoría de los artistes
folk asturianos, que coles sos páxines páxines web dan anuncia
de los trabayos que van asoleyando, amás de ser una forma cenciella pa
que los fans se pongan en contactu colos artistes.



El gaiteru Xuacu Amieva bien sabe de la importancia de la rede, y ello
ye qu'estos díes colgó la
nueva edición de la so páxina web. Nesti web topamos les secciones típiques nuna web de
músicu, la biografía del mesmu, la so discografía, y nel
casu del veteranu gaiteru, faise amás un repasu a los sos llibros, tamién tenemos
semeyes, una guía de les sos actuaciones y un separtáu pa ponese en
contactu col artista. Amás Xuacu Amieva tamién ufierta una
sección de descargues con esbilles de cantares de tola so
discografía. Tampoco nun falta l'ahabitual separtáu d'enllaces a webs
propuestes pol gaiteru.