Xixón va celebrar el so XXXI Salón del Cómic

El director del Salón Internacional del Cómic del Principáu d'Asturies, Faustino Rodríguez Arbesú, presentó ayeri la XXXI edifición del eventu, que dixo que va dedicase a "xente fuera de serie", con dibuxantes como'l creador de la viñeta 'Pepín de Celes', Luis Olmo, o'l xaponés Stan Sakai, primeru n'imponé-y a una productora americana los sos derchos plenos sobre un personaxe de la so creación. Otru creador "fuera de serie" va ser el francés Maurice Horn, ún de los creadores del movimientu 'Procómic', en 1965, que foi capaz de facer que'l mundu reconociera'l cómic como un mediu d'espresión.

L'eventu, que va celebrase nel Centru de Cultura Antiguu Institutu de Xixón del 9 al 13 d'ochobre, va contar tamibén, dientro de los 24 creadores convidaos, cola presencia de dos artistes asturianos, Jesús Pérez Losa 'Suso-Mortimer' y Alfonso Zapico, conocíos poles sos viñetes en periódicos asturianos.

Dientro de la programación, van impartise tres cursos, que van contar ente los profesores col estaunidense Michael Golden, un de los creadores del personaxe "Rogue" de los "X-Men" y miembru de la Sociedá d'Illustradores de Manhattan. Dos de los cursos van facese nel Centru de Cultura Antiguu Institutu, destinaú a escolares y otru na Escuela d'Arte d'Uviéu.

La inauguración va tener llugar el día 9, a les 19.00 hores, nel teatru Jovellanos. Nel actu, el cual ta previsto que lo presida l'alcaldesa de Xixón, Paz Fernández Felgueroso, el conceyal de Cultura, Justo Vilabrille, l'escritor y periodista Juan José Plans, y el propiu Rodríguez Arbesú, va entregase'l premiu Haxtur a la Meyor Historieta Llarga 2006, a Stan Sakai. De la mesma manera, l'Antiguu Institutu va acoyer, del 8 al 13 d'esti mes, una esposición de Michael Golden. También nel centru d'Interpretación del Cine n'Asturies (CICA), inaugúrase güei hasta'l día 27, una esposición dedicada a 'Wendigo' y al Salón, entamada por Juan José Plans.