Xixón acueye un actu n'alcordanza de Ramos Corrada

|

L'Academia de la Llingua Asturiana (ALLA) entama esti miércoles un actu n'alcordanza de Miguel Ramos Corrada. Nun va contar cola presencia de la conseyera, como taba previsto.

Según l'axenda oficial del Gobiernu d'Asturies, finalmente acudirá en representación del Executivu la direutora de Política Llingüística en llugar d'Ana González Rodríguez. Xunto con Ana María Fueyo intervendrán Vicente Gotor, rector de la Universidá d'Uviéu; Carlos Rubiera, conceyal d'Educación, Cultura, Mocedá y Fiestes; Mario Menénendez Fernández, direutor de la UNED n'Asturies; y Ana María Cano, presidenta de l'ALLA. Esti actu pretende recordar la memoria del que fora presidente de la institución nos años 2000 y 2001, fináu n'agostu del 2013 cuando ocupaba'l cargu de vicepresidente.

D'igual forma, presentaráse'l llibru 'Estudios lliterarios y otros trabayos', obra que recueye'l so llabor como máximu especialista que foi de la Lliteratura Asturiana. La hora d'aniciu del eventu ye les 19 hores y el llugar, la sala de conferencies del Centru de Cultura Antiguu Institutu.

Contador Estadistiques