Xandru Fernández, candidatu de Somos Asturies pa la secretaría xeneral de Podemos Xixón

Cuatro ciudadanos van optar a la secretaría xeneral de Podemos Xixón. La iniciativa Somos Asturies, que se dio a conocer de manera pública'l miércoles, presenta pa esti cargu al escritor Xandru Fernández, candidatura que los simpatizantes de la formación van poder votar xunto cola d’Orlando Fernández Casanueva, Humberto Escandón y Mario Suárez del Fueyo.

El Doctor en Filosofía pola Universidá d’Uviéu nacíu en Turón nel 1970, actualmente profesor d’esta materia nel xixonés IES Fernández Vallín, presentó ayeri la so candidatura a secretariu xeneral de Podemos Xixón encabezando la iniciativa Somos Asturies. L’escritor va defender la propuesta d’esti grupu de ciudadanos que pretende llevar l’espíritu de Podemos a los municipales baxo’l nome de Somos mediante agrupaciones d’eleutores nel que puedan participar siguidores de la formación y cualquier ciudadanu que cumpla los trés requisimos mínimos qu’impón el proyeutu: asamblees abiertes, firma del códigu éticu de la organización aprobáu hai poco en Madrid y métodu de primaries abiertes cola correición única de xéneru.

Por esti motivu, Fernández refuga plantegar una llista zarrada al Conseyu Ciudadano de Podemos Xixón, que se va votar xunto col cargu de secretariu xeneral ente’l 26 y 30 d’esti mes, y plantega “que se sumen al proyeutu toles persones interesaes nel mesmu y que presentara la so candidatura al Conseyu Ciudadanu de manera individual”. L’oxetivu de Somos Asturies ye’l de “promover espacios pal alderique y l’intercambiu d’idee, como los Alcuentros Ciudadanos, y espacios de confluencia colos movimientos sociales, les Asamblees Sociales”, apunten los responsables d’esta iniciativa que lleven la so propuesta a más de 30 conceyos.

Los otros trés candidatos a secretariu xeneral son Fernández Casanueva, ún de los promotores de Podemos n’Asturies; Escandón, responsable del Serviciu de Policía Portuaria y afiliáu a UXT; y Suárez del Fueyo, direutor del Colexu Públicu Xovellanos, qu’encabeza la llista ‘Xixón si puede’, única que se presenta con un equipu zarráu de 22 persones nel que participa’l sindicalista Cándido González Carnero. Ésta tamién apuesta por una candidatura de xunidá popular pa les municipales.