Visita a Benidorm del director de l'Axencia d'Emigración

Luis Miguel Fernández Romero, Director de l'Axencia Asturiana d'Emigración, asiste esta tarde a la Recepción Oficial a les autoridades y convidaos del Principáu por parte del Centru Asturianu de Benidorm. Tres de los actos institucionales, el director de trabayu va tener alcuentru de trabayu colos Centros Asturianos de Alicante.

Mañana sábadu, la colonia asturiana en Benidorm va facer un agasayu al Ayuntamientu de la ciudá, participando tamién nel actu'l presidente del Centru Faustino Huerga, l'alcalde de Llanes Antonio Trevín en calidá de villa agasayada del añu. Sicasí, lo más importante de la visita institucional va ser l'alcuentru que va tener a les siete de la tarde'l Director d'Emigración colos representantes de les comunidaes asturianes de Valencia y Calpe pa tratar de futuros proyectos pa los asturianos d'eses dos ciudaes.

La visita oficial remata'l domingu día 7 cola asistencia de Fernández Romero a los actos culturales y la xinta d'hermandá cola comunidá asturiana de Torrevieja, que celebra d'esta manera'l Día d'Asturies.