Villaviciosa va acoyer pa últimos de marzu la segunda fase de la XVII Lliga Gallega de Bandes de Gaites

Los díes 30 de marzu y 1 d’abril, Villaviciosa va ser l’escenariu de la II Fase de la XVII Lliga Gallega de Bandes de Gaites. Xunto coles pruebes del concursu de bandes de gaites, nel que ganó nes dos últimes ediciones precisamente la Banda de Gaites de Villaviciosa van programase tamién actuaciones musicales de folk que van facer de La Villa de Maliayo la capital de la música tradicional esi fin de selmana. Asina, el 30 de marzu, dende les 22.00 hores van actuar la “Bandina La Curuxa”, “Skama la Rede” y “Corquiéu” mientres que’l día 31 va facese un gran conciertu de gaiteros cola participación de Manuel Tejedor representando a la gaita asturiana, l’escocés Fred Morrison, el gallegu Anxo Lorenzo, l’irlandés Jarlath Henderson, y Patrick Molard, de Bretaña. Pa rematar el fin de selmana, el domingu día 1 pela mañana rematarase l’actividá cola celebración de les eliminatories de la lliga de bandes de gaites.