Villaviciosa acueye un taller d'instalación d'Ubuntu

Los usuarios que quieran instalar Ubuntu nel so ordenador van poder facelo esta fin de selmana en Villaviciosa. Softastur organiza unes xornaes coincidiendo cola salida d'Ubuntu 14.10.

Éstes van principiar esta tarde, a les 20 hores, con una charra d'averamientu a Ubuntu y al software llibre que va tener llugar nel Atenéu Obreru de Villaviciosa. Mañana, nesi mesmu llugar, miembros de Softastur van instalar esti sistema operativu basáu en Linux en llingua asturiana a la xente interesao que lleve'l so ordenador. L'horariu del taller va ser de 10 a 13.30 hores y de 16 a 19 hores. El coleutivu recomienda qu'enantes d'acudir al taller se consulte esta páxina.