Videu del Conciertu pola Oficialidá 2006

Dende güei la sección de videu d'Asturies.com ufierta un reportaxe con imáxenes del pasáu Conciertu pola Oficialidá. Realizáu por Javier Lueje, nél podemos ver imáxenes de los grupos, y del públicu, arriendes de declaraciones d'un representante de la Xunta pola Defensa de Llingua Asturiana, asociación organizadora del conciertu.

La pasada edición del Conciertu pola Oficialidá foi una de les más exitoses nos sos 19 años d'esistencia. Más de 3.500 persones acudieron a la carpa del conciertu asitiada nel Campus del Milán d'Uviéu'l pasáu 29 d'abril pa ver a los 8 grupos qu'actuaron ellí. Un pequeñu resume de lo qu'ellí se vivió ye lo que podemos ver videu qu'ufierta Asturies.com TV. Amás, como música de fondu, puede sentise'l cantar "Un pasu p'alantre", single espublizáu pola Xunta pal día de les lletres d'anguaño nel que podemos reconocer a dellos músicos asturianos.