Victor Manuel firma pola oficialidá

El Conceyu Abiertu Pola oficialidá presenta mañana n'Uviéu tolos datos sobre la manifestación que'l prosimu sábadu va salir de la estación de RENFE de la capital asturiana a les 12:30 del mediudía cola reivindicación "Na reforma l'estatutu, l'asturianu llingua oficial"

Según anuncia la dirección del CAO, na rueda de prensa van dase a conocer tolos detalles sobre la protesta cívica, detallándose'l so recorríu y otros datos técnicos y tamién van dase a conocer los trabayos desarrollaos poles organizaciones presentes nel CAO con vistes a esta manifestación. Asinamesmo, la plataforma va presentar l'estoyu defirmes de personaxes populares de la cultura y sociedá asturianes que decidieron hasta la fecha de güei firmar el manifiestu del Conceyu Abiertu pola Oficialidá. Según pudo saber esti mediu, xunta les firmes de deportistes como Chechu Rubiera o Manolo Busto, que yá adelantare Asturies.com nel mes de xineru, tamién firmaron el manifiestu fundacional del Conceyu Abiertu escritores del nome de Carmen Gómez Ojea, Berta Piñán o Fulgencio Argüelles. El CAO atropó tamién firmes nel mundu de la música, destacando ente elles les del gaiteru José Ángel Hevia y la del famosu cantante de Mieres Victor Manuel San José.