Uvieu

L'Uviéu perdió tolo que llevaba ganao estes selmanes d'atrás en que llegó a ponese a tiru de cuatro puntos de la salvación col partíu tan permalu que xugó col Xerez esti sábadu. Los asturianos marcaron el de la vergoña depués de que l'equipu de Bernd Schuster los afusilare cuatro a cero. La estratexa del Uviéu de guardase atrás dexando arriba namás qu'a Oli nun foncionó contra un equipu del nivel del Xerez, que desatrancó la pesllera azul nel 33 de la primera. Pa la segunda parte los carbayones nun cambiaron d'estratexa, y la cosa siguió igual hasta que el 66 del partíu los locales marcaron nun saque de corner. Entós llegó la riestra de goles que remacharon el marcador. Pudieron ser cinco los del Xerez, pero Selu estampó'l balón a la madera. Idiakez metió de penalti'l gol asturianu, pero elli y Keita van perder el derbi por culpa de les tarxetes que lleven amontonaes