Unionistes y republicanos gobiernen dende ayeri Irlanda del Norte

El líder del Partíu Unionista Democráticu (DUP), Ian Paisley, y el númberu dos del republicanu Sinn Féin, Martin McGuiness, xuraron ayeri los cargos de primer ministru y viceministru del nuevu Gobiernu d'Irlanda del Norte en Belfast. L'autonomía d'esti territoriu volvía asina a la normalidá dempués de cinco años en suspenso tres de conocese nel 2002 un supuestu casu d'espionaxe del IRA nel Parlamentu de Stormont., y facíalo col primer gobiernu conxuntu ente católicos y unionistes de la historia. Les primeres declaraciones de los nuevos dirixentes moviéronse ente l'optimismu y la prudencia, y asina mientres Martin McGuiness pidió a los partíos que trebayen d'una manera positiva y constructiva, Ian Paisley pidió calma porque "nun tamos en paraísu y entovía queda muncho por iguar"