Unión Asturianista va facer el 8 de setiembre en Xixón

La coalición Unión Asturianista, na que s'inxerten les formaciones asturianistes PAS y URAS van celebrar el día d'Asturies 8 de setiembre con un actu que va desarrollase en Xixón,onde, a les 12:30 de la mañana, tienen cita los militantes y simpatizantes d'estes formaciones énte la estatua del Rei Pelayo asitiada na Plaza'l Marqués, nel Muelle de Xixón.

Unión Asturianisata califica la so concentración como "un pasu más nel camín d'alcuerdos definitivos ente les dos fuerces polítiques, col oxetivu d'ufiertá-yos a los asturianos una alternativa política centrada y moderna que defenda Asturies n'España y Europa y que convierta la resignación de la nuestra sociedá nuna ilusión creadora pal futuru".

Tres del actu públicu, los militantes y simpatizantes de PAS y URAS van celebrar una xinta d'hermandá que va tener llugar a les 2 nel Restaurante La Casería de Castiello, Xixón con intervenciones polítiques de los presidentes de dambos partíos, Sergio Marqués (URAS) y Xuan Xosé Sánchez Vicente (PAS) .