'La vieya', d'Aique Fernandi, llevó'l II Premiu Radagast de Lliteratura Fantástica. L'autor de la novela, disponible yá nes llibreríes, fálanos de qué va esta orixinal historia de terror.
Vicente García Oliva, Iris Díaz Trancho y María Rosa Serdio van analizar la creación n'asturianu y castellanu d'esti xéneru.
El ciclu 'Palabra viva. Alcuentros na Biblioteca d'Asturies', que dende marzu plantegó un percorríu pola lliteratura fecha n'Asturies contando cola participación d'escritores poesía, narrativa, teatru, cómic y lliteratura de ficción, va pesllar esta primer edición esta tarde con una sesión dedicada a la lliteratura infantil y xuvenil. Ángeles Carbajal, Lourdes Álvarez, Milio Ureta, Marta Mori, Gonzálo González Barreñada, Ángel de la Calle, Blanca Fernánez, Ruma Barbero y Carlos Alba son dalgunos de los autores que participaron nesta iniciativa coordinada por Ana Lamela, el Colectivo Musa Cafeína, col oxetivu de fomentar la llectura ente'l públicu.
A les 19.30 hores incorpórense a esta llista García Oliva y Díaz Trancho, que, xunto con Serdio, van analizar lo que se ta faciendo na lliteraria infantil y xuvenil nel país. L'accesu al salón d'actos del equipamientu ye de baldre.
Na semeya, Ivana Castañón, Lamela y Alba na sesión última del ciclu, dedicada al teatru n'asturianu y castellanu.