Una sentencia del Supremu obliga al Estáu a pagar a Asturies 33 millones poles tresferencies de sanidá

El Tribunal Supremu dio la razón a Asturies na reclamación de 33 millones d’euros fecha nel 2004 al Estáu poles tresferencies de sanidá. A esta cantidá hai que sumar los intereses sumaos nestos ocho años.
 
L'Alministración d'Asturies reclamaba'l pagu al Institutu Nacional de Xestión Sanitaria (Ingesa) de factures farmacéutiques por valor de 17.397.225 euros, amás de cantidaes abonaes en conceptu de cuotes a la Seguridá Social del personal por valor de 1.259.169 euros, por atención siguida emprestada na Seguridá Social de 1.329.599 euros y por incentivos por cumplimientu d'oxetivos fixos por importe de 5.778.581 euros. Tamién factures pagues por servicios y suministros por un total de 5.120.920 euros y factures por certificaciones d'obres por valor de 2.325.498 euros.
 
Toes estes obligaciones abonóles l'Alministración d'Asturies nel 2002 y 2003. El Tribunal Superiores de Xusticia de Madrid namái reconociera en primer instancia 2.024.984 euros, pol conceutu de cuotes colexales, de la cantidá total que'l Gobiernu reclamara, anque’l Tribunal Supremu tuvo en cuenta na so decisión dos sentencies del propiu tribunal de 25 d'ochobre del 2006 y del 7 de febreru del 2012 como xurisprudencia, poles qu'agora se concede a l'Alministración d'Asturies la cantidá de 33.210.995 euros restantes, a la qu'han de sumase los intereses de los ocho años trescurríos dende la reclamación inicial.