UNA pide romper rellaciones diplomátiques con Marruecos

UNA pidió públicamente al Gobiernu d'España "romper les rellaciones diplomátiques con Marruecos por dignidá democrática y asumir la so evidente responsabilidá na descolonización d'El Sáhara y na solución del conflictu".

Al traviés d'un comunicáu, la organización "resmitió esta mañana la so condena “sin paliativos” al ataque marroquín al campu sah.arianu asitiáu pa protestar poles sos condiciones de vida, “un fechu que puede interpretase como una declaración de guerra'l día qu'entamaben les conversaciones de paz, lo que demuestra la nula voluntá marroquina d'usar víes polítiques pa iguar el conflictu".
  
El voceru de la formación, Faustino Zapico afirmó que "esta ye una nueva declaración de guerra de Marruecos al Polisariu" y añadió que la única vía pa evitar que vuelva entamar el conflictu armáu "ye aislar internacionalmente a Marruecos y que sepa que tien muncho más que perder que ganar actuando per esta vía" polo qu'esixó al gobiernu Zapatero "la ruptura darréu de rellaciones diplomátiques con Marruecos por responsabilidá democrática".