Un tifón dexa a Alonso ensin entrenos

Fernando Alonso quedó ensin entrenar en Suzuka

Un tifón obligó a pesllar el circuitu xaponés onde esti fin de selmana se cuerre la penúltima carrera de Fórmula 1 del añu. Los entrenos pa la parriya de salida van facese poques hores enantes de la carrera.

Les autoridaes xaponeses cuenten con que’l tifón 'Ma On' llegue’l sábadu a Suzuka, polo que mandaron el pieslle de la pista hasta’l mesmu domingu, día de la carrera. Nun van poder facese nin los últimos entrenos llibres nin los de clasificación, que van determinar la parriya de salida.y que van aplazase pal mesmu domingu enantes de la carrera. Con ello, too queda nuna incógnita al nun poder probar los coches la pista a lo llargo del fin de selmana teniendo que xugalo too a una baza’l domingu. La precalificación va ser a les 9:00 hores del domingu (2:00 AM hora asturiana) y la calificación a les 10:00 (03:00.), mientres que la carrera sigue puesta pa les 7:30 (pal públicu asturianu) de la mañana