Un representante de la UNESCO visita les cueves rupestres asturianes

El prehistoriador y conservador xeneral del patrimoniu francés, Jean
Clottes, va visitar nos díes prósimos les cuatro cueves rupestres
del nuesu país que xunta a ocho de Cantabria y dos del País Vascu
quieren ser incluyíes na llista del Patrimoniu Mundial de la UNESCO.
Concretamente va visitar les cueves de Llonín, el Pozu'l Ramu,
Peña Candamu y El Pindal.

El representante dela UNESCO yá visitó les cueves del
País Vascu y Cantabria, polo que concluirá la so
evaluación n'asturies. Foi'l Conseyu Internacional de Monumentos y
Sitios Histórico-artísticos (ICOMOS) el qu'encargó a
Clottes la realización del informe de evaluación, documentu que
sirvirá de base a los miembros de la UNESCO pa la decisión final
del reconocimientu d'estes como Patrimoniu de la Humanidá. La
decisión final por parte de los miembros de la UNESCO no se sabrá
hasta la reunión que este organismo celebre en Toronto (Canadá),
a mediados de 2008. La candidatura ta compuesta, aparte de poles cueves
asturianes yá citaes, por ocho de Cantabria (Chufín, Hornos de la
Peña, El Castillo, La Pasiega, Las Monedas, El Pendo, La Garma y
Covalanas), y dos del País Vascu (Santimamiñe y Ekain).