Un mineru de L.lena muerre nel pozu Nicolasa

El mineru Gerardo García
Menéndez, de 28 años, morrió ayeri al quedar atrapáu nun derrabe de carbón que se produxo a cerca de 600 mts de profundidá, ente les plantas quinta y sesta del pozu Nicolasa d'Ablaña, en conceyu Mieres. Esti pozu d'Ablaña, y esta mesma capa de carbón, foron tamién l'escenariu de la última gran traxedia de la minería asturiana, cuando'l 31 d'agostu de 1995 catorce trabayadores perdieron la vida nuna esplosión de grisú, causa que tampoco se descarta como posible desencadenante nel accidente d'ayeri, del qu'otru mineru salió con vida. La capa de carbón en que foi l'accidente compártenla'l pozu nicolasa y el Montsacro, y tamién nel pozu riosán tienen pasaos accidentes mortales a l'altura d'esta capa, que presenta unos índices d grisú mui altos. Esti ye'l segundu accidente mortal nel añu na minería asturiana depués del que-y costó la vida a un mineru polacu na Mina de La Camocha en setiembre.