Un informe del SADEI conseña la xuba de la emigración asturiana nos 15 años últimos

L'últimu informe de Movimientos Migratorios de la Población presentáu pol SADEI conseña la xuba de la emigración dende Asturies a otros llugares por causa llaboral, que perita en 10.446 persones pal añu 2004.


L'estudiu abarca'l periodu del añu 1991 al 2004, espeyando como la emigración por causes de trabayu se multiplicó por trés nesi plazu de tiempu. D'esta miente, si nel 1991 foron 2.883 los asturianos y asturianes que colaron pal estranxeru, esta cantidá foi de 10.446 nel 2004, dalgo que supón la mayor fola de migratoria rexistrada n'Asturies dende losgrandes movimientos migratorios a países europeos de los años 50 y 60. El númberu d'emigrantes nun dexó de medrar a lo llargo d'estos quince años sacantes nel 2001. E

n cuantes a les causes d'esta emigración, l'informe nun dexa llugar a más interpretaciones que la de causa de trabayu, siendo que'l 83% de los que marcharon taben n'edá llaboral (ente los 16 y 64 años).
Ente los emigrantes nun se conseñen diferiencies por sexos, tando cuasimente igualáu'l númberu d'homes y muyeres qu'emigraron, mientres que, garrando como muestra los datos del 2004, de los 10.446 residentes que dexaron Asturies, más del 55% (5.844 persones) yeren xente nacío n'Asturies, siendo otres 2.515 persones nacíes n'otres comunidaes autónomes 2.087 nel estranxeru.