Un fin de selmana estráu de conciertos

Pop, rock y hip hop son dellos de los estilos que van poder disfrutase esti fin de selmana nes principales sales asturianes de conciertos. "Los débiles" o "El color de la duda" son dos de los nomes pa un fin de selmana en que tamién vamos poder ver al grupu asturianu "Stoned Atmosphere"

El fin de selmana preséntase con un panorama de conciertos abiertu pa munches preferencies distintes. De mano, mañana vienres tenemos la posibilidá d'escuchar n'Uviéu (Sala Whipporwill) a "El Color de la duda" La banda navarra de rock va presentar los temes del so disco "dejame entrar" nel que collaboró'l famosu guitarrista de blues Javier Vargas. Per otra parte, la Sala Quattro d'Avilés presenta esa nueche l'actuación de "Mago de Oz"

El sábadu, la Sala Albéniz de Xixón va atechar una interesante nueche de hip hop coles actuaciones de los grupos Rapsusklei, Haze, L.O.R. (el Lado Oscuro de la Rima) y el grupu asturianu "Stoned Atmosphere" una de les revelaciones más de recién nesti panorama musical que ta guañando n'Asturies de va un tiempu p'acá. Finalmente, tamién en Xixón va sentise'l sábadu na Sala Stone Park l'actuación del grupu "Los débiles"
Ver más conciertos y actuaciones na Guía d'Ociu Asturiactiva