Un feríu grave nel españíu d’una instalación de gas en Xixón

L'españíu d'una instalación de gas na Cai Garcilaso de la Vega de Xixón causó quemadures graves a una persona de 36 años, que ta ingresada n'hospital central d'Asturies con pronósticu reserváu y mancadures a otres cinco. L'accidente tuvo llugar hacia les 10 de la mañana nel númberu 39 de la Cai Garcilaso de la Vega de Xixón. Los demás feríos tán ingresaos nel Hospital de Cabueñes de Xixón, dándose la circunstancia de que dos d'ellos son empleaos de la empresa que xestiona'l serviciu del gas que trabayaben nel domiciliu nesi momentu.

Como midida de seguridá, Hidroeléctrica del Cantábrico cortó'l suministru de corriente a la zona, dalgo qu'afectó a la empresa titular de los servidores informáticos au s'agospia Asturies.com, que s'asitia a pocos metros del llugar del accidente. Ello causó la suspensión de la presencia na rede d'esti diariu hasta que se recuperó'l serviciu. Llamentamos les molesties qu'ello pudiere causar a los nuestros llectores.