Un estudiu conseña que la contaminación n'Asturies aumenta'l riesgu de tumores

L'Atlas municipal de mortalidad
por cáncer d'España, un estudiu realizáu pol Centru
Nacional d'Epidemiología del Institutu de Salú Carlos III
alvierte que n'Asturies, xunta a otres comunidaes, la probabilidá de
contraer un cáncer de pulmón, larinxe o texíu conxuntivu
ye hasta tres veces mayor que n'otres zones penínsulaes. La causa
fundamental podría debese a la contaminación industrial. Esti
estudiu presentóse en xunetu a especialistes d'oncoloxía.

Nelli afitase qu'hai desigualdaes medioambientales clares na
distribución de los distintos tipos de cáncer. Asturies poles sos
característiques de país fuertemente industrializáu
rescampla nes estadístiques nos cáncer de tiroides, por mor de la
esposición en dalgunes zones a la radiación ionizante y nel casu
de cáncer de páncrees. No que cinca a esti últimu,
l'informe conseña qu'hasta'l 12% de los casos son por causa de la
esposición nel trabayu a contaminantes como disolventes
orgánicos, compuestos de níquel, pesticides o a hidrocarburos.
Xunto al nuesu país,

Otres zones de mayor incidendia de tumores son Cádiz, Huelva,
Cataluña y el País Vascu, zones tamién d'alta
cocnentración de contaminación industrial.