Trés poetes reciten versos en compañía de la música de Lara Sánchez García

L'actu va tener llugar nel marcu de la esposición 'Puntos de Intersección' qu'acueye l'Edificiu Históricu de la Universidá d'Uviéu.

Aurelio González Ovies, Carmen Sánchez y María Esther García López van recitar versos esta tarde col acompañamientu musical de Lara Sánchez García. Va ser a les 19 na sala d'esposiciones.

L'actividá entámala l'Asociaciación d'Escritores d'Asturies y la Universidá d'Uviéu como actividá enmarcada na esposición de grabaos y cerámica 'Puntos de intersección' de Sara Sanz Nisa inspiraos en poemes d'estos trés autores y de José Luis Argüelles. Ésta va tar abierta al públicu hasta'l domingu.

Na imaxe, un momentu de la inauguración de la muestra. Semeya propiedá de l'Asociación d'Escritores d'Asturies.