Toponimos en llingua minorizada, en tamañu minorizau

L'estáu austriacu de Carintia entamó esta selmana la colocación carteles billingües colos topónimos n'aAlemán y n'eslovenu en dellos conceyos d'esti estáu en que gobierna l'ultraderechista Jörg Haider y nel que vive una minoría eslovena de cerca de 15.000 persones. Los rótulos n'eslovenu son obligatorios por causa d'una sentencia del Tribunal Constitucional austriacu, qu'obligó nel añu2001 a asitiar rótulos cola toponimia billingüe naquellos llugares y conceyos onde hubiere un mínimu d'Un 10% de población eslovena.

Anque Haider, enemigu de la midida, torgó tolo que pudo l'aplicación de la sentencia, al final nun tuvo más remediu qu'acatar el mandáu xudicial, pero pa ello mandóse d'una picardía que de xuro va reabrir la batalla llegal pol reconocimientu de la minoría eslovena: los topónimos n'eslovenu apaecen nos rótulos nun tamañu de lletra infinitamente más pequeñu que los austriacos.