Telecable peslla l'añu con más de 100.000 clientes

La operadora de telecomunicaciones asturiana Telecable va pesllar l'añu 2004 con más de 100.000 abonaos, cantidá a la que la empresa asturiana llegó a últimos del mes de payares. Ello significa un crecimientu de más del 12 por cientu nel volume de clientes respective al añu 2003. D'esa cifra de más de 100.000 abonaos ente particulares y empreses, la ufierta de TV ye'l srviciu con más demanda, rexistrando un total de 79.333 abonaos, mientres que la telefonía de Telecable tien 73.888 llinies. La conexon a internet de banda ancho de Telecable va allegándose a los 50.000 usuarios, con 48.380 conexones, siendo esti'l serviciu que más medró nel 2004, col 20,2 por cientu de xuba.

La cablera asturiana pieslla l'añu como la única empresa del ramu que va presentar beneficiu nel so balance y tamién como una de les que más espoxigaron esti añu, anque la so situación pue cambiar, y muncho, esti añu 2005. Telecable ta a la espera d'un cambéu d'accionista mayoritariu tres de l'anunciada salida de Telecable de la empresa matriz Hidrocantábrico, que pasó a últimos del branu a manes de la portugesa EDP. Auna ye'l candidatu meyor posicionáu pa facese col control de la pieza más llambiona del mercáu de les telecomunicaciones.