Suburbia Ediciones preséntase col llibru "Via de serviciu. Muestra de nueva narrativa"

Una nueva editorial, Suburbia Ediciones, acaba de presentar la so primer
publicación, el llibru "Via de serviciu. Muestra de nueva
narrativa", compuestu por catorce relatos en llingua asturiana de catorce
autores distintos, toos ellos nacíos con posterioridá a 1975.

En palabres de los responsables de la editorial esta obra "pretende ser
una muestra canónica de la narrativa de la “tercer
promoción” del Surdimientu. Axunta voces yá consagraes
(Vanessa Gutiérrez, Pablo Texón Castañón, Pablo
Rodríguez Medina, Quique Faes, Naciu Varillas) con autores más
nuevos (Ezequiel Cala, Carlos Pitcairn, Nicolás V. Bardio,
Penélope Miranda, Xurde Fernández)". El prólogu ye
del escritor Jose Luís Piquero y nelli señala qu'esta muestra va
"de lo fantástico a lo hiperrealista, del campu a la ciudá,
de lo amable a lo decididamente grotesco, tolos estilos y temes tienen cabida
nesti garrapiellu de relatos que representen a la promoción más
nueva d’escritores asturianos".