SUATEA denuncia qu’educación ta disviando escolinos a la rede concertada

El sindicatu d'enseñanza SUATEA denunció nún comunicáu qu'emitió ayeri que la Conseyería d'Educación quier disviar a escueles particulares a alumnos que pidieren matrícula en centros públicos na estaya d'educación infantil de trés años. La organización diz qu'ello ye'l resultáu de la política de "concertación masiva que ta llevando alantre'l departamentu que dirixe Iglesias Riopedre.

La organización sindical asegura que l'alministración concertó pal cursu qu'entra cerca de 200 unidaes nesta estaya d'enseñanza cuando'l calandariu d'aplicación de la Llei d'Enseñanza nun lo fai obligatorio hasta la vuelta de dos años. Al empar, SUATEA asegura que munchos centros de la rede pública del centru d'Asturies van vese estragaos pa esti cursu 2006-2007 si nun xube la ufierta de places nesta rede, colo que les escueles públiques, qu'agora tan nunes ratios de 20 escolinos per clas, van tener que xubiles. SUATEA denuncia igualmente que na rede particular, los titulares de los centros tan demandando que se xuban les ratios a 27 neños per clas col oxetivu de meyorar los sos marxes de beneficiu.

a perda de recursos de la rede pública que denuncia SUATEA va traducise nel pieslle de les escueles d'Argame, Barros y Villabona, al empar que'l personal docente va perder bien de los sos derechos cola entrada del estatutu de la función docente que tan preparando Ministeriu y Educación.