Somos Asturies refuga entrar nel Conseyu Coordinador de Podemos Xixón

Los ochos puestos del Conseyu Coordinador de Podemos Xixón van ocupalos persones de la corriente Xixón Sí Puede. Somos Asturies refugó la posibilidá d'entrar nel mesmu.

Mario Suárez del Fueyo, secretariu xeneral de Podemos Xixón, ufriera dos puestos d'esti muérganu asesor a Somos Asturies, dalgo que les trés representantes de Somos Asturies nel Conseyu Ciudadanu, Nuria Rodríguez López, Sofía Castañón y Paula Pastor, decidieron refugar. Precisamente ayeri constituyóse'l dichu Conseyu Ciudadanu, conformáu por 24 persones, "pa dinamizar el trabayu de los diferentes grupos del Círculu de Xixón, l'Asamblea y la rellación colos movimientos sociales”, esplicó Suárez del Fueyo. Les árees que van coordinar los sos miembros son Organización y Participación, Social y Feminismu (incluyendo Servicios Sociales, Bienestar Social, Sanidá, Pensionistes, Feminismu y Animalismu), Urbanismu, Mediu Ambiente, Educación, Cultura, Deporte y Juventud, Economía y Llaboral, y Comunicación.

D'igual forma, ayeri decisióse que l'asamblea próxima de Podemos Xixón va tener llugar el vienres cola fin de presentar a los simpatizantes el Conseyu Coordinador y esplicar el procesu de constitución de Podemos Asturies.