Somiedu como casu de desarrollu sostenible

La Cámara de Comerciu de Xixón y la Ecuela Asturiana de negocios organicen pa esti xueves una conferencia entitulada "Estrategia Asturiana de Desarrollo Sostenible" Nella van falar dos cargos de l'alministración, Santiago Martín de la Conseyería de Mediu Ambiente del Principáu d'Asturies, y Cristino Ruano, director del Parque Natural de Somiedu. La sesión valdrá pa dar a conocer esperiencies concretes de polítiques de desarrollu rural que ta faciendo'l gobiernu autonómicu, centrándose especialmente nel casu de Somiedu, la acabante nombrar reserva mundial de la biosfera exemplu prácticu que va centrar tola esposición. La cita ye a les 7 de la tarde na Biblioteca del Centru de Formación de la Cámara de Comerciu de Xixón, nel recintu de la Feria de Muestres.