Skontra presenta 'La foguera', adelantu del so discu nuevu

El llunes va salir a la venta 'Foguera', cuartu discu de Skontra. La banda presentó esti xueves 'La foguera', cantar adelantu d'un álbum con una presencia mayor de la llingua asturiana.

El tema cuenta cola collaboración de David Boo (Bastards on Parade), Nuria Martín y Igor Sala (The Potes)' que canten un cachu en gallegu, catalán y eusquera, de manera respeutiva, y ye una buena representación de lo que va ser esti trabayu de Skontra. Nesti enllaz pue sentir 'La foguera'.

La presentación de 'Foguera' va tener llugar el xueves nel Centru Social Sestaferia, con firma de discos incluyida. El día siguiente va poder sentise en direutu n'Uviéu y el sábadu 30 nel Beltane Fest de Comillas, Mentes, esti domingu, el programa 'Noche de lobos' de RPA va tar dedicáu dafechu al trabayu nuevu de Skontra.