"Si tuviéremos oficialidá, podríemos entamar una inmersión llingüística"

Dempués d'unes selmanes de descansu, llega una entrega más de "Asina foi...El Surdimientu", l'espaciu que dirixe y presenta Inaciu Galán na emisora Onda Peñes y pel que, adulces, van pasando los escritores más representativos de la primer xeneración del Surdimientu.

Esta selmana, " "Asina foi...El Surdimientu" entrevista a Esther García, una muyer que dende que tornó dende Cataluña p'Asturies en 1984, fizo méritos abondos como pa ser nomada Académica de Númberu. El so máximu llabor llevólu alantre na estaya de la educación, como profesora de llingua asturiana, dende los entamos de la educación n'asturianu, nun colexu pilotu, hasta los Cursos de Branu de l'ALLA, a los que nun falla nengún añu y tamién na creación de llibros de testu pa guah.es. Pero esto nun ye lo único, los estudios de tradiciones y la poesía n'asturianu occidental, tamién tuvieron ente les sos xeres. Temes d'actualidá como la rellación ente l'Alla y la Dirección de Política Llingüística o la situación del asturianu na enseñanza apaecen tamién nesta llarga entrevista

Acceder a "Asina foi el Surdimientu"