“Si PSOE y PP firmen solos la reforma l’estatutu ello tendría una consecuencia inmediata na presencia d’IX nel Gobiernu”

Camín del ecuador de la llexislatura, Asturies.com faló con Javier Valledor, conseyeru de Xusticia, Rellaciones Esteriores y Seguridá Pública sobre los asuntos más importantes n'axenda del gobiernu asturianu y de la so estaya en particular col horizonte yá a mediu plazu de la reforma estatutaria. Cola llexislatura camín d'amediase, el que fuere candidatu d'IX-Bloque nes anteriores elecciones autonómiques fai una valoración positiva de l'acción de gobiernu. Valledor defende na entrevista que tuvo con Asturies.com asuntos como l'ampliación d'El Musel nos términos en que s'aprobó definitivamente y, entre otros asuntos de menos caláu, defende l'actuación del Principáu nel tema de los Archivos de Salamanca, pero nun dulda en ser críticu con otres polítiques como la de carreteres. La reforma l'estatutu y la negociación de tresferencies pendientes apaecen como ún de los asuntos que más dedicación-y lleven a la cabeza visible d'Izquierda Xunida nel Gobiernu Asturianu.
Ver equí la entrevista completa