Sergio Álvarez va continuar nel Sporting

|

El canteranu firma per 4 años.

Un día depués de les renovaciones confirmaes d'Iván Cuéllar y Juan Muñiz, llegó la más esperada pol sportinguismu: la de Sergio Álvarez. El centrocampista avilesín, ún de los máximos baluartes del ascensu del Sporting a Primera División, firmó col club roxiblancu hasta 2019, esto ye, per cuatro temporaes, pese a contar con otres ufiertes d'equipos de la máxima categoría y d'otres lligues.

D'esta forma, énte les torgues pa la llegada de fichaxes pola sanción de la LFP, el Sporting continúa zarrando la continuidá d'aquellos xugadores de la plantiya anterior qu'interesen al cuerpu téunicu. Los siguientes en firmar podríen ser Rachid y Hugo Fraile, a los que va sumase Guitián, centrocampista del Sporting B que va pasar a formar parte del primer equipu.

Otra manera, yá se conoz rival pal XIX Troféu Villa de Xixón. Va ser el Palermo, equipu italianu de la Serie A nel que militen vieyos conocíos del fútbol estatal, como Maresca y Sorrentino. El partíu va disputase'l sábadu 8 d'agostu n'El Molinón a les 20 hores, con entrada de baldre pa los abonaos.

Contador Estadistiques