Sanidá rebaxa los conteníos de la Llei del Alcohol en beneficiu de la sidra

El MInisteriu de Sanidá dio a conocer ayeri una rebaxa nos conteníos de la “Llei del Alcohol” actualmente en fase de borrador d’anteproyectu y que’l sector sidreru asturianu refuga dafechu. Ente los cambeos nel testu rescampla la retirada de la prohibición del consumu de sidra n’espacios recreativos y d’ociu, una midida que salvaría a les romeríes y espiches tradicionales asturianes. Tocantes a la regulación de la venta d’alcohol, con esta nueva redacción van ser les comunidaes autónomes a les que-yos correspuenda la so regulación, mientres que na regulación sobre publicidá tamién hebo cambeos que van permitir facer campañes de promoción, anque dientro d’unes pautes, sobremanera no tocante a patrocinios deportivos. El testu tampoco consiente qu’un local y una marca tengan el mesmu nome, polo que munchos llagares tendríen que poner otru nome pa dase a conocer.