Sánchez va aconceyar con Núñez Feijóo a pidimientu del popular

El gallegu arranca la ronda de contautos p'algamar apoyos pal Plenu d'Investidura.

El presidente del Gobiernu estatal en funciones, Pedro Sánchez, aceptó'l pidimientu d'Alberto Núñez Feijóo p'aconceyar. La xunta va tener llugar mañana a les 10 hores nel Congresu.

El líder popular va presentase a la investidura'l 26 de setiembre y busca apoyos p'algamar los 176 votos necesarios pa ser proclamáu presidente, cifra pa lo que-y falten nestos momentos 4 diputaos si se cuenta col sofitu de VOX, UPN y Coalición Canaria. L'alcuentru con Sánchez, l'otru aspirante, qu'ha esperar al fracasu del gallegu nel Plenu d'Investidura pa ser proclamáu pol rei Felipe VI como candidatu a la Presidencia, va celebrase nun momentu de gran tensión ente PSOE y PP, con reproches per parte de los dos bandos.

Na imaxe, Sánchez y Núñez Feijóo.