Sabino Fernández Campo pide que s'estudie inglés en cuenta d'asturianu

L'ex - xefe de la Casa Real Española Sabino Fernández Campo declaró ayeri nel trescursu de los "Cursos de la Granda" que se celebren n'Avilés que la oficialidá del asturianu nel estatutu d'autonomía diba ser"una midida esaxerada" en cuantes que'l catellanu ye un "idioma universal" y que, "en cuenta d'asturianu tendríemos d'estudiar l'inglés".

Nuna conferencia cola qu'inauguró un cursu sobre'l "pensamientu español", entitulada "Asturies y España nel pensamientu de Xovellanos" y que tuvo centrada na defensa de los valores de la unidá d'España, el que fuere educador del Príncipe d'Asturies afirmó que los estatutos d'autonomía valía más nun reformalos porque namás sirven "pa que les autonomíes compitan ente elles". Nesti sentíu, Fernández-Campo, que fizo un llamáu a declaró que l'estatutu catalán trespasaba la llende de lo conveniente, y anque dixo que contaba con que l'estatutu asturianu nun lo ficiere, alvirtió sobre'l peligru de "contaxu" esistente viendo lo que pasa n'otros llugares.